依莉詩：「比想像中好味」康怡Mos Burger 升級 Mos Cafe 試食

香港人食嘢就係習慣多選擇，當拉麵店都唔可以只賣拉麵，壽司都唔可以只賣壽司的時候，Mos Burger 又點可以止賣 Burger，所以 Mos Burger 康怡花園店就率先改名為 Mos Cafe ，仲有飯同甜品食添！我依莉詩就率先去試食啦！

牛油果芥末醬撈飯夠開胃

MOS  Cafe其實日本一早已有，既然甩咗 Burger 呢個字，當然 menu 就一定有新嘢啦！除咗平時的 Burger，最特別就係加咗 3款碟頭飯同 3款香港區限定的多士。而我最欣賞照燒汁雞肉飯，照燒汁雞肉配上牛油果同芥末醬撈飯夠晒開胃，再配上一大堆蔬菜伴碟，可以均衡飲食。至於多士做法係用烤焗而非油炸，好啱鍾意食甜品又要食得健康的女士們。

▲ Menu 除咗平時都有的 Burger，仲加咗 3款碟頭飯同 3款香港區限定的多士。

▲ 牛油果照燒雞肉飯 $48

照燒汁雞肉配上醃漬過的牛肉果同芥末醬，減輕肉類的油膩，撈飯夠晒開胃，再配上一大堆蔬菜伴碟，均衡飲食之餘又有清新的感覺，最啱夏天食。

▲ 芝士和牛漢堡扒飯 $52

和牛漢堡扒飯可以揀有芝士同無芝宣兩款，增量版澳洲和牛漢堡扒肉厚味濃，滿足晒男士們對肉食的要求。雖然漢堡扒的肉質偏乾，不過淋上番茄及燉牛肉汁之後就啱啱好。而飯用咗日本新潟米煮成，質感較黏糯，並唔係普通碟頭飯咁簡單呢！

▲ 法式吐司 $26

法式有芒果、士多啤梨同焦糖 3款口味，多士沾奶同蛋烘焗而成，非油炸，質地厚身綿密，飽肚又滿足，加上不同果醬就更滋味。好啱鍾意食甜品又要食得健康的女士們。

▲ 多士沾奶同蛋再低溫烤焗而成，食落似麵包布甸，質地厚身綿密，加上忌廉同果醬食就更滋味。

▲ 水果茶 $30

叫得 Cafe 又點少得飲品，新加的水果茶，加入香橙、檸檬和芒果等，用壺上桌。咁先有嘆下午茶的感覺嘛！

▲ 芒果紅茶$20

想飲凍的都有 兩款紅茶，內有新鮮果肉，並非普通檸檬茶，有多層口感，清新解渴。

▲ 不過有 D 失望的是 Cafe 的裝修幾乎與 MOS Burger 一樣，只是設有充電插位而已。

依莉詩：「飯的質素比想像中好」

MOS Burger 係快餐店來說質素一向都係中高，所以今次出碟頭飯的質素都偏高。我最欣賞照燒汁雞肉飯，照燒汁雞肉配上牛肉果同芥末醬撈飯夠晒開胃，再配上一大堆蔬菜伴碟，好啱夏天食。不過有 D 失望的是 Cafe 的裝修幾乎與 MOS Burger 一樣，只是設有充電插位而已。幸好負責人表示因為呢間只係試點，係今年將會開一間全新面貌的 Mos Cafe ，到時就真真正正似番間 Cafe 的了。

MOS cafe

地址：太古城康山道康怡廣場（北）1樓F20

電話：2557 9020

營業時間：8:00am-10:00pm

The post 依莉詩：「比想像中好味」康怡Mos Burger 升級 Mos Cafe 試食 appeared first on UNWIRE.HK 玩生活‧樂科技.